Back Sukhoi Superjet 100 AN سوخوي سوبرجت 100 Arabic Сухой Суперджет 100 Bulgarian Sukhoi Superjet 100 BJN Suhoj Superdžet 100 BS سوخۆی سووپەرجێت ١٠٠ CKB Suchoj Superjet 100 Czech Sukhoj Superjet 100 Danish Suchoi Superjet 100 German Sukhoi Superjet 100 English
| Soechoi Superjet 100 | |
|---|---|
 | |
| 'n Prototipe van die Soechoi Superjet 100 tydens 'n toetsvlug in Komsomolsk aan die Amoer | |
| Tipe | Passasiersvliegtuig |
| Vervaardiger | Sukhoi Aviation Corporation |
| Nooiensvlug | 19 Mei 2008 |
| Hoofgebruiker | Aeroflot |
| Vervaardig | 2007 tot hede |
| Aantal gebou | 186 teen Mei 2019 |
| Programkoste | - |
| Eenheidskoste | - |
.jpg)
Die Soechoi Superjet 100 (SSJ 100) is 'n twee-enjin-passasiersvliegtuig wat deur die Russiese vliegtuigvervaardiger Sukhoi Aviation Corporation (Soechoi) vervaardig word. Die enkeldek-straler is oorspronklik as Russian Regional Jet, kort RRJ, bekendgestel en sal geleidelik ouer stralertipes soos die Toepolef Tu-134 en Jakovlev Jak-42, wat tans nog algemeen in die Russiese Federasie gebruik word, vervang.
Die SSJ is deur Soechoi in samewerking met westerse vennote, waaronder die Italiaanse vervaardiger Alenia en die Amerikaanse maatskappy Boeing, ontwikkel. Die vliegtuig se ontwerp lyk baie op dié van Brasiliaanse Embraer E-stralers, die Kanadese Bombardier CSeries en die Dornier 728 (wat intussen gestaak is).
Die finale montering van die Soechoi Superjet 100-straler word by die vliegtuigvervaardigingsaanleg in Komsomolsk aan die Amoer gedoen, terwyl die SaM-146-enjins deur PowerJet, 'n gemeenskaplike Frans-Russiese onderneming, ontwerp en vervaardig word. Die straler word deur SuperJet International, 'n gemeenskaplike Italiaans-Russiese onderneming, bemark.
Op 21 April 2011 het die SSJ 100 sy eerste kommersiële passasiersvlug op die Armeense lugredery Armavia se roete tussen Jerewan en Moskou onderneem.